E rëndësishme të votosh!?

Nuk kam votuar kurrë! Nuk do dija se kë të votoja, dhe absolutisht nuk besoj se mund t’i besohet ndonjë kanditati tashmë. Çdo ditë siç e dini del nga një skandal për politikanët shqiptar. Ekziston një apati e përgjithshme rreth politikës në Shqipëri, çdo ditë e më shumë njerëzit mendojnë se skanë më influencë me zgjedhjen e tyre. Është një gjëndje e pashpresë.

Jam kundër shprehjes se “nëse nuk voton nuk ke të drejtë të ankohesh”, pasi edhe pse ndoshta parimisht ke hequr dorë nga liria apo leja për tu ankuar nuk humbet e drejta e individit per të pretenduar.

Por pse e humb të drejtën për të ankohen në qoftë se nuk voton?

Shpjegimi më evident është se nëse nuk voton nuk ke bërë dicka që të influencojë qeverisjen drejt mënyrës që dëshiron ti. Nuk keni bërë përpjekjen minimale për të bërë një ndryshim. Nëse ju nuk mund të shqetësoheni për të vepruar ndaj politikës, atëherë ju duhet të heshtni.

Problemi qëndron te fakti se votat individuale nuk bëjnë ndryshimin. Në vlerësimin më optimist të efikasitetit të votave individuale, vota, le te themi , për zgjedhjet legjislative në Shqipëri ka një përqindje shumë të vogël influence, duke i shtuar faktit se listat aktuale janë të pre-plotësuara me emra kandidatësh të zgjedhur në bazë të nepotizmit apo interessave që kanë me kryesinë e partisë e jo influencës që kanë në bazë.

Laguna Kune-Vain (Shqipëri)

Laguna Kune-Vain , e njohur ndryshe si “Delta e Drinit” , ndodhet ne zonën administrative të rrethit Lezhë, në pjesën veriore të bregdetit shqiptar. Laguna Kune-Vain është formuar nga akumulimi i dherave përmes lumenjve Drin dhe Mat. Dy kanale lidhin lagunën me detin. Në atë zone gjinden lloje të ndryshme të habitateve , të tilla si pyje mrinash, keneta kripë, kallamishte,  ishuj lagunor dhe brigje rëre. Në këtë zonë ka faunë të larmishme por kryesisht mbizotëron ajo ujore dhe shpendët e ujit. Eshtë një zonë e rëndësishme për shpendët migrues që gjatë periudhave të ndryshme ndërtojnë çerdhet e tyre . Zona është ruajtur mjaft mirë deri në 1991.

Në fund të epokës se bronxit dhe fillimit të epokës se hekurit zona banohej nga fiset antike të Ilirëve. Rreth Lezhës së sotme ndodhej asokohe qyteti Roman i Lisusit , i themeluar nga Dionisi i Sirakuzës në 385 P.es. . Ky qytet zotëronte ndërtesa dhe fortifikime të mëdha ndër të tjera edhe fortesën Akrolisus që konsiderohej e pakapshme nga pushtuesit. Në zonë ndodhen shumë mbetje të këtyre civilizimeve , ndër to edhe kalaja mesjetare e Lezhës .

Aktivitetet tradicjonale të zonës janë peshkimi, bujqësia, blegtoria, pylltaria dhe gjuetia që njëkohësisht përfshijnë zhvillimin e agro-industrisë, ujikulturën, plazhet, turizmin kulturor dhe ruajtjen e natyrës. Aktiviteti i nxjerrjes së kripës është braktisur. Duke qënë e pasur me shumë elementë kulturor , zona vizitohet nga shumë turistë. Prodhuesit lokal shesin produkte artizanale. Gërmimet arkeologjike janë momentalisht në progres sikurse restaurimi i monumenteve historike.

Zona e Kune-Vainit , sidoqoftë, kërcënohet nga shumë faktorë, ndër to ndotja industriale dhe mbeturinat shtëpiake. Pas rënjes së regjimit komunizmit në 1991, u krye reforma agrare duke shpërndarë tokën dhe zona u popullua dendësisht. Kjo solli presion të rëndë mbi zonën e lagunës. Pronarët e rinj ndjenë se kishin të drejtën ta menaxhonin vëndin vetë , me anë të praktikave që e degraduan zonën ( rritja e numrit të ndërtesave për turizëm, ndotja, zhurmat, gazrat e makinave, gjuetia e tepruar, peshkimi i paligjshëm, mbikullotja).

Si rezultat, kolonitë e ndryshme të pasura me zogj u zhdukën. Brigjet e detit u zhveshën nga pemët dhe qarkullimi i ujit duhet të përmirësohet në lagunë për të bërë të mundur mbijetesën e gjallesave ujore dhe biodiversifikimin e tyre me qarkullimin e biofaunes ujore nga deti dhe lumi Drin. Për rrjellojë gjuetia, peshkimi, ndërtimet dhe mbikullotja duhet të rregullohen . Ndërsa ndërgjegjesimi mjedisor i popullatës lokale duhet të përmirësohet. Zona e lagur e lagunës Kune-Vain mund të ishte një vend ideal për ekoturizëm dhe duhet të merren masa drejt këtij objektivi.

31 Janar 2015

Njëkohësisht :

Moratoriumi i Skafeve: Durrës. Rrallë e gjatë te kontrollet anti-drogë në port, turistat kthehen mbrapsht me gomone.

Moratoriumi i Gjuetise: Rinas. Krokodili shkakton panik në avjon . Pyjorja deklaron se do kërkonte azil në Shqipëri. Ministria e Mjedisit i jep lejeqëndrim vetëm për dy vjet.

Porti i Shëngjinit. Kinezët kujtojnë se do ua hedhim , nuk pranojnë ftesën e qeverisë për investime dhe deklarojnë :”Shpenzime të kota mbi xhepat e Shqiptarve, fitimet tepër të mëdha , nuk kemi ç’te bëjmë me gjith ato para”.

 

Çfarë mund të bëjë PD-ja për të përmirësuar imazhin e saj? – (Pres sygjerime!)

Çfarë mund të bëjë PD-ja për të përmirësuar imazhin e saj?

1. Të inspirohet nga vëllazëria DELTA e AnimalHouse dhe të transformojë kongresin e dhjetorit në një toga party . E.SH.

2. Të ndërrojnë emrin në : “Partia Demokratike Kombëtare” . M. Xh.

3. Të prezantojë një kalendar seksi të Ciljetës . D.Z.

4. Të mos jenë më autoironikë . A.M.

5. Në zgjedhjet e ardhshme të deklarojnë se për të mundur Edi Ramën do të prezantohen me dy Sali Berisha . B.A.

6. Të mësojnë kuptimin e fjalëve “Parti”, “Demokratike” dhe “Opozitë”. E.K.

7. Të rrëfejnë të kaluarën komuniste të Sali Berishës. B.M.

 

Pushtimi i tokës

Kur flasim për historinë e zbulimeve gjeografike, ose përmes një shprehje mjaft të njohur si “Pushtimi i Tokës” , jo gjithmonë kemi parasysh kuptimin e saktë të kësaj shprehje. Ndryshe nuk mendojme se kush duhet të konsiderohet përsonazhi kryesor i kësaj historie apo zbulimi.
Kryesisht është e dukshme që pushtuesi është njeriu, ose më mirë njerëzit, popujt e ndryshëm që erdhen e shkuan mbi sipërfaqen e planetit tonë ; por të flitet për një protagonist aq të përgjithshëm dhe jo përsonal do të ishte tejet e vështirë të vizatosh profilin historik të pushtimeve të hapësirave tokësore. Toka, në fakt është zbuluar dhe njohur pak nga pak më anë të popullimit të zonave nga grupet e ndryshme njerëzore dhe rindërtimi i kësaj historie të përjetuar nga njerëzit e parë nuk është akoma e mundur sot dhe me shumë mundësi nuk do të jetë e mundur kurrë. Nuk e dimë me saktësi nëse njeriu është shfaqur në planetin tonë në një zonë të përcaktuar nga e cila më pas është përhapur , me anë të migrimeve të përsëritura në të gjithë globin, apo qëniet njerëzore kanë lindur në bërthama të pavarura nga njëra tjetra , në kontinente të ndryshme duke u injoruar për mijëra vjet dhe duke pasur her pas here kontakte rastesore me njeri tjetrin. Ajo që ka ndodhur në këtë kontekst gjatë një miljon e më shumë vite të prehistorisë njerëzore mund të stimulojë fantazinë por ama është akoma pak e ndriçuar nga shkenca.

Nëse i referohemi periudhave historike , të gjithë popujt kanë kërkuar , pak a shumë të njohin zonat dhe popujt që i rrethonin dhe kanë migruar duke njohur në këtë mënyrë gjerë e gjatë kontinentet. Kanë munguar asokohe udhëtarët e vetëdijshëm , eksploruesit e dalldisur që të na lënë raporte mbi udhëtimet e tyre aventuriste. Në 399 e.s , për shembull një prift budist kinez, Fa Hiàn, me disa shokë të tij , filloi një udhëtim rreth e rrotull Indisë, që do të zgjaste reth pesëmbëdhjetë vite. Qëllimi i tij nuk ishte njohja e vendeve të reja por dëshironte te kthehej tek burimet primitive të doktrinës së Budës; dhe për rrjedhojë nxiti fillimin e një serie pelegrinazhes që në shekujt që pasuan , do të lëviznin rregullisht nga Kina drejt atdheut të fillimit të madh. Fa-Hiàni kaloi përmes vargmaleve të Himalajave , pastaj zbriti në luginën e Punjab, kaloi në Indinë qëndrore deri në Kalkutë duke njohur njerëz dhe vende që do ti përshkruante në një raport të tijin . Emri i këtij prifti mund të gjindet në historinë e udhëtimeve të mëdha dhe, në një farë mënyre dhe në atë të ekploruesve edhe pse eksplorimet e tij nuk kishin karakter gjeografik por filozofik e fetar. Por ama nëse i referohemi ” pushtimit të Tokës” , vëmë re se ky përsonazh mbetet jashtë aventurës së madhe që ne ndjejmë edhe pse unike dhe domethënëse e një vagabondimi rastësor popujsh ose të një pelegrinazhi të paorganizuar njerëzish për arësye të ndryshme. Kuptojme gjithashtu se Fa-Hiàn nuk identifikohet me atë protagonistin që vetë “pushtimi i Tokës” presupozon, e pa të cilin duhet të biem dakord që një histori domethënëse e këtij pushtimi nuk ekziston : njeriu mesdhetar.

Historia e zbulimeve gjeografike është në realitet historia e përhapjes së civilizimit mesdhetar në të gjitha rajonet e globit: njerëzit kanë njohur dhe nxënë pak nga pak kontinentet , por vetëm njeriu mesdhetar i ka pushtuar ato. Nuk mund të themi se civilizimi mmesdhetar është superior ndaj të tjerave dhe as që atij do ti jepet prioritet …

1 2